La Casa del Café

Balioz betetako
etxe bat

Gure jatorria, gure familia, tradizio bat eta kalitatearen etengabeko bilaketa… balio horiek sartu gaituzte betiko kafea, Gipuzkoako kafea, aukeratzen dutenen bihotzean. Egiteko eta izateko modu horrek ia ehun urtez definitu gaitu.

Kaferik hoberena
aurkitzen duzun tokia

Gure printzipio lagaezinak: kalitatea eta esperientzia ezin hobea ematea katilu bakoitzean. Horrela gaude zure bizitzan, zure momentuetan, zure oroimenean, zure ideietan… Horregatik gara zure kafea, Gipuzkoaren kafea. Eta mundu osoaren kafea izan nahi dugu.

Egunero kaferik hoberena txigortzen den tokia

Kafearen Hirutasun Santuan sinesten dugu: lehengaia, nahasketa eta txigorketa. Hori da gure sekretua. Bihirik hoberena soilik biltzen dugu, jatorririk hobereneko kafe-soroetan. Gure blend esklusiboa eta kafe-konbinazio gourmet zaindu bat sortzeko, zeinak, gure txigorketa-prozesu tradiziotik igaro ondoren, gure etxean soilik aurki daitekeen gorputz, zapore eta aroma eskaintzen duten.

Jatorri berezieneko zaporeak aurkitzen dituzun tokia

Gure kafea munduko jatorririk hobereneko bihiekin egiten dugu. Baina gure kafe-barietate guztiek Donostiako erdiguneko kaleetara, gure hirira, gure lurraldea den Gipuzkoako herrietara eta aukeratzen gaituzten milaka etxeetara daramaten aroma hori askatzen dute; hain zuzen ere, etxe horiek dagoeneko gure familiaren parte dira.

Kafe paregabe bat
bizi den tokia

1926tik daramagu kaferik hoberena soilik nola egin pentsatzen. Gure izateko arrazoia, gure grina eta gure lanbidea delako. Eta etengabeko hobekuntza-prozesu horretan daramagu gure blend berezkoa sortu genuenetik; egunero gogorarazten digu nondik gatozen eta nora heldu nahi dugun: kafe onaren zale guztien bihotzetara.

Kafea bere bizi-ziklo osoan
jasangarria den tokia

Hemen kafe errespetutsu, etiko eta bidezko baten zapore osoa probatu ahalko duzu. Esamolderik gabe. Izan ere, bere bizi-zikloan zehar, gure kafea guztiz jasangarriak diren prozesu eta materialetatik igarotzen da: jatorrizko plantazioetan landatu eta biltzen denetik hasita, Oiartzungo prestaketa-metodotik igaro eta eramateko edalontzietara edo zure kafea gozatzeko erabiltzen dituzun poltsatxoetara heldu arte. Kaferik onenaz gozatzen duzula eta ondorengo belaunaldiek ere gozatuko dutela bermatzeko.